ਕੁਝ ਤਾਂਕੇ

ਮਾਘੀ ਦਾ ਮੇਲਾ
ਖਿਦਰਾਣੇ ਦੀ ਢਾਬ
ਚਾਲੀ ਮੁਕਤੇ
ਪੰਜਾਬ ਦੀ ਮੁਕਤੀ
ਕਰੂ ਆਮ ਆਦਮੀ

ਮਾਘੀ ਦਾ ਮੇਲਾ
ਅਖਾੜੇ ਚ ਉੱਤਰੇ
ਸਿਆਸੀ ਮੱਲ
ਮੁੱਖ ਤੇ ਭੋਲਾਪਣ
ਖਿਆਲਾਂ ਚ ਕੁਰਸੀ

ਪਹਿਲਾ ਮਾਘ
ਸਿਆਸਤਦਾਨਾ ਨੇ
ਗੰਦੀ ਕਰਤੀ
ਦੂਸ਼ਣਬਾਜੀ ਨਾਲ
ਪਵਿੱਤਰ ਧਰਤੀ

ਪਾਲਾ ਕੋਹੜੀ
ਵਿਹੜੇ ਚ ਲੋਹੜੀ
ਕੱਠੇ ਮਨਾਈ
ਅੱਗ ਸੇਕਦੇ ਖਾਧੀ
ਮੂੰਗਫਲੀ ਰੋੜੀ

ਮੇਰਾ ਪੰਜਾਬ
ਨਿਘਰਦਾ ਹੀ ਜਾਵੇ
ਕੋਈ ਨਾਂ ਸਾਂਭੇ
ਰਾਖਾ ਕੀ ਕਰੂ ਜਦ
ਵਾੜ ਖੇਤ ਨੂੰ ਖਾਵੇ

ਦੇਸ ਪੰਜਾਬ
ਦਲਦਲ ਫਸਿਆ
ਕੌਣ ਬਚਾਊ
ਰਾਜਾ ਵਜੀਰ ਚੋਰ
ਅਰਜ਼ੀ ਸੁਣੂ ਕੌਣ

15/01/16