ਅਸਲੀ ਹੱਥਿਆਰ

ਮੇਰੇ ਪੰਜਾਬ ਦੇ ਅਸਲੀ ਵਾਰਸੋ
ਆਓ ਜਾਗੀਏ ਨਾਲੇ ਸੁਰਤ ਸੰਭਾਲੀਏ
ਵਿੱਚ ਅਸਾਡੇ ਚੋਰ ਛੁੱਪੇ ਜੋ 
ਓਹਨਾਂ ਨੂੰ ਫੜ ਕੇ ਬਾਹਿਰ ਨਿਕਾਲੀਏ
ਜਿਹਨਾਂ ਦੇ ਹੱਥੋਂ ਪੰਥ ਦੇ ਨਾਂ ਤੇ
ਅਕਸਰ ਅਸਾਂ ਨੇ ਲੁੱਟ ਹੈ ਖਾਧੀ
ਕਰੀਂ ਕਿਓਂ ਜਾਈਏ ਮਾਫ ਓਹਨਾਂ ਨੂੰ
ਪੰਜਾਬ ਦੇ ਨੇ ਜੋ ਅਸਲੀ ਅਪਰਾਧੀ
ਬਾਬੇ ਦੀ ਬੇਅਦਬੀ ਹੋਗੀ
ਕਾਹਤੋਂ ਨੀਂ ਭੌਂਕੇ ਇਹ ਗਲੀ ਦੇ ਕੁੱਤੇ
ਤੁਸੀਂ ਹੁਣ ਸੜਕਾਂ ਤੇ ਮਰਦੇ
ਉਹ ਪਏ ਨੇ ਮਹਿਲਾਂ ਚ ਸੁੱਤੇ
ਜਾਗੀਏ ਤੇ ਹੁਣ ਬਣੀਏ ਸਿਆਣੇ
ਛੱਡਿਏ ਤੰਗ ਲੋਕਾਂ ਨੂੰ ਕਰਨਾ
ਪੰਜਾਬ ਨੂੰ ਅਜੇ ਹੈ ਲੋੜ ਤੁਹਾਡੀ
ਛੱਡਿਏ ਅਜੇ ਬੇਮੌਤੇ ਮਰਨਾ
ਡੰਡੇ ਸੋਟੇ ਤਲਵਾਰ ਜਾਂ ਨੇਜੇ
ਨਾਲ ਸਕਾਂਗੇ ਨਾਂ ਜਿੱਤ ਲੜਾਈ
ਹਰ ਵਾਰੀ ਅਸੀਂ ਹਾਰ ਜਾਣਾ ਹੈ
ਜੇ ਅਸਲੀ ਹੱਥਿਆਰ ਦੀ ਕਦਰ ਨਾਂ ਪਾਈ
ਵੋਟ ਅਸਲੀ ਜੋ ਹੱਥਿਆਰ ਅਸਾਡਾ
ਅਕਸਰ ਜਿਹਨੂੰ ਅਸੀਂ ਵੇਚ ਦਿੰਦੇ ਹਾਂ
ਚਾਰ ਕੁ ਛਿੱਲੜਾਂ ਦੀ ਖਾਤਿਰ ਅਸੀਂ
ਜ਼ਮੀਰ ਆਪਣੀ ਵੀ ਨੂੰ ਵੇਚ ਦਿੰਦੇ ਹਾਂ
ਦਿਲ ਦੇ ਜਖਮਾਂ ਨੂੰ ਥੋੜਾ ਰਿਸਣ ਦਈਏ ਹੁਣ
ਰੱਖੀਏ ਗੁੱਸਾ ਹੁਣ ਅਸੀਂ ਸੰਭਾਲ ਕੇ
ਕਿਹਦੀ ਮੁੰਜ ਕਦੋਂ ਹੈ ਠੱਪਣੀ
ਉਸ ਚੋਰ ਨੂੰ ਹੁਣ ਰੱਖੀਏ ਭਾਲ ਕੇ
ਗੋਲਕਾਂ ਨੂੰ ਹੁਣ ਭਰਨਾ ਛੱਡੀਏ
ਧਰਨੇ ਨਾਲੇ ਲਾਉਣੇ ਛੱਡੀਏ
ਸਤਾਰਾਂ ਦੀ ਹੁਣ ਕਰੀਏ ਤਿਆਰੀ
ਚੋਰਾਂ ਦਾ ਉਦੋਂ ਫਾਹਾ ਵੱਡੀਏ
ਸਾਰੇ ਪੰਜਾਬੀ ਰਲ ਕੇ ਤੁਰੀਏ
ਹਿੰਦੂ ਮੁਸਲਿਮ ਚਾਹੇ ਸਿੱਖ ਇਸਾਈ
ਕਰਕੇ ਧਰਮ ਤੇ ਜਾਤਾਂ ਇੱਕ ਪਾਸੇ
ਬਣ ਕੇ ਪੰਜਾਬੀ ਲੜੀਏ ਇਹ ਲੜਾਈ

ਹਰ ਜੀ 21-10-2015