ਗੱਪੀ ਪੁੱਤ

ਪਿਓ ਨਾਲ਼ੋਂ ਪੁੱਤ ਵੱਡਾ ਗੱਪੀ
ਝੂਠ ਤੇ ਝੂਠ ਉਹ ਜਾਂਦਾ ਨੱਪੀ

ਹਰ ਿੲਕ ਨਹਿਰ ਚ ਬੱਸ ਚੱਲੇਗੀ
ਚਾਹੇ ਹੋਵੇ ਕੱਚੀ ਯਾ ਫਿਰ ਪੱਕੀ

ਬੰਬ ਮਾਰੇ ਤੋਂ ਵੀ ਜੋ ਨਾਂ ਟੁੱਟੇ
ਸੜਕ ਸੀਮਿੰਟ ਦੀ ਅਜਿਹੀ ਬਣਾਊਂਗਾ ਪੱਕੀ

ਮੰਗਲ ਗ੍ਰਹਿ ਤੇ ਨਰਮਾਂ ਬੀਜਾਂਗਾ
ਕੱਢਾਂਗਾ ਸੜਕ ਉੱਥੇ ਤੱਕ ਪੱਕੀ

ਲੱਖਾਂ ਮਣ ਹੋਊਗਾ ਨਰਮਾ
ਦਿਖੂ ਨਾਂ ਕਿਧਰੇ ਚਿੱਟੀ ਮੱਖੀ

ਨਾਂ ਹੁਣ ਜੱਟ ਮੰਡੀ ਚ ਰੁਲਣਗੇ
ਫਸਲ ਜਾਊਗੀ ਖੇਤਾਂ ਚੋ ਚੱਕੀ

ਨਾਂ ਕੋਈ ਿੲੱਥੇ ਬੇਰੁਜ਼ਗਾਰ ਰਹੇਗਾ
ਨੌਕਰੀ ਮਿਲੂਗੀ ਸਭ ਨੂੰ ਪੱਕੀ

ਪੰਜਾਬ ਨੂੰ ਕਾਲੀਫੋਰਨੀਆ ਬਣਾਦੂੰ
ਦੇਖੋ ਕਿੰਨੇ ਤੁਸੀਂ ਹੋ ਲੱਕੀ

ਹਰ ਜੀ ੦੩/੧੧/੨੦੧੫