ਆਸ਼ਾਵਾਦੀ

ਨਾਂ ਮੈਂ ਮੌਕਾਪ੍ਰੁਸਤ ਹਾਂ ਸਜਨੋ
ਨਾਂ ਹੀ ਨਿਰਾਸ਼ਾਵਾਦੀ
ਨਾਂ ਮੈਂ ਕੋਈ ਖੇਡ ਖੇਡਣੀ
ਨਾਂ ਮੈਂ ਜਿਤਣੀ ਬਾਜੀ
ਨਾਂ ਮੈਂ ਪੰਡਿਤ ਨਾ ਮੈਂ ਗਿਆਨੀ
ਨਾਂ ਮੁਲਾਂ ਨਾ ਕਾਜੀ
ਮੈਂ ਤਾਂ ਸਿਰਫ ਮਨੁਖ ਹਾਂ ਮਿਤਰੋ
ਤੁਹਾਡੇ ਵਰਗਾ ਆਸ਼ਾਵਾਦੀ

ਨਾਂ ਮੈਂ ਮੰਦਿਰ ਮਸਜਿਦ ਜਾਨਾ
ਨਾਂ ਗਿਰਜੇ ਨਾਂ ਦੁਆਰੇ
ਮੇਰੇ ਲਈ ਕੋਈ ਹੈ ਨਹੀਂ ਵਖਰਾ
ਇਕੋ ਜਿਹੇ ਧਰਮ ਸਾਰੇ
ਭਜਨ ਗਾਵਾਂ ਜਾਨ ਬਾਂਗਾ ਦੇਵਾਂ
ਮੇਰਾ ਰਾਂਝਾ ਹਰਦਮ ਰਾਜੀ

ਮੈਂ ਤਾਂ ਸਿਰਫ ਮਨੁਖ ਹਾਂ ਮਿਤਰੋ

ਤੁਹਾਡੇ ਵਰਗਾ ਆਸ਼ਾਵਾਦੀ

ਇਕੋ ਜਿਹੇ ਅਸੀਂ ਅੰਦਰੋਂ ਸਾਰੇ
ਫਿਰ ਬਾਹਰ ਤੋਂ ਕੀ ਲੈਣਾ
ਇਕੋ ਜਿਹੀ ਰੂਹ ਸਾਡੇ ਅੰਦਰ
ਅੰਦਰੋਂ ਰੱਤਾ ਖੂਨ ਹੀ ਬਹਿਣਾ 
ਮਾਰਾਂਗੇ ਜੇ ਆਪਣੇ ਆਪ ਨੂੰ
ਤਾਂ ਫੇਰ ਕੌਣ ਜਿਤੇਗਾ ਬਾਜ਼ੀ

ਮੈਂ ਤਾਂ ਸਿਰਫ ਮਨੁਖ ਹਾਂ ਮਿਤਰੋ

ਤੁਹਾਡੇ ਵਰਗਾ ਆਸ਼ਾਵਾਦੀ

ਆਓ ਰਲ ਮਿਲ ਊਧਮ ਕਰੀਏ

ਇਸ ਦੁਨਿਆ ਨੂੰ ਰੁਸ੍ਹ੍ਨਾਈਏ

ਛਡੀਏ ਨਫਰਤ ਤੇ ਦੁਸ਼ਮਨੀ

ਪਿਆਰ ਦੀ ਗਲਵਕੜੀ ਪਾਈਏ

ਹੇਰਾ ਫੇਰੀ ਚੋਰ ਬਾਜ਼ਾਰੀ

ਇਹ ਸਾਰੇ ਕੋਹੜ ਸਮਾਜੀ

ਮੈਂ ਤਾਂ ਸਿਰਫ ਮਨੁਖ ਹਾਂ ਮਿਤਰੋ

ਤੁਹਾਡੇ ਵਰਗਾ ਆਸ਼ਾਵਾਦੀ

ਮੇਰੀ ਕਵਿਤਾ ਦਾ ਜਨਮ

ਜਿਸ ਦਿਨ ਇਹ ਕਵੀ ਜਾਗਿਆ
ਹੜ ਸਬਦਾਂ ਦਾ ਨਾਲ ਲਿਆਇਆ
ਕੀ ਕਰਾਂਗਾ ਇਹਨਾ ਦਾ ਮੈਂ
ਇਹ ਸੋਚ ਕੇ ਮਨ ਘਬਰਾਇਆ
ਚਕ ਚਕ ਕਾਗਜ਼ ਉਤੇ ਰਖ ਦੇ
ਮਨ ਦੇ ਵਿਚ ਫੁਰਨਾ ਇਕ ਆਇਆ
ਚੁਣ ਚੁਣ ਸ਼ਬਦ ਕਾਗਜ਼ ਤੇ ਰਖਕੇ
ਕਵਿਤਾ ਦਾ ਮੈਂ ਜਨਮ ਕਰਾਇਆ

ਕਿਸ ਸ਼ਬਦ ਨੂੰ ਕਿਸ ਨਾਲ ਜੋੜਾਂ
ਮਨ ਮੇਰੇ ਚ ਉਲਝਨ ਭਾਰੀ
ਕਿਧਰੋਂ ਚਕ ਕੇ ਕਿਧਰ ਰਖਾਂ
ਇਹੀ ਦੁਭਿਦਾ ਮਨ ਵਿਚ ਜਾਰੀ
ਇਨੀ ਤਾਕ਼ਤ ਇਹਨਾਂ ਸ਼ਬਦਾਂ ਚ
ਇਹ ਕਦੇ ਮਨ ਖਿਆਲ ਨੀਂ ਆਇਆ
ਚੁਣ ਚੁਣ ਸ਼ਬਦ ਕਾਗਜ਼ ਤੇ ਰਖਕੇ
ਕਵਿਤਾ ਦਾ ਮੈਂ ਜਨਮ ਕਰਾਇਆ

ਜੋੜ ਜੋੜ ਅਖਰਾਂ ਨਾਲ ਅਖਰ
 ਸ਼ਬਦਾਂ ਦਾ ਇਕ ਭੰਡਾਰ ਬਣਾਇਆ
ਸ਼ਬਦਾਂ ਦੇ ਨਾਲ ਜੋੜ ਸ਼ਬਦਾਂ ਨੂੰ
ਸ਼ਬਦਾਂ ਦਾ ਮੈਂ ਹਾਰ ਬਣਾਇਆ
ਲਾ ਕਿਤੇ ਟਿਪੀ ਲਾ ਕਿਤੇ ਬਿੰਦੀ
ਲਗਾ ਮਾਤਰਾਂ ਨਾਲ ਸਜਾਇਆ
ਚੁਣ ਚੁਣ ਸ਼ਬਦ ਕਾਗਜ਼ ਤੇ ਰਖਕੇ
ਕਵਿਤਾ ਦਾ ਮੈਂ ਜਨਮ ਕਰਾਇਆ

ਮਨ ਵਿਚ ਵਾ ਵਰੋਲੇ ਚਲਣ
ਕੀ ਇਸਨੂੰ ਸਿਰਲੇਖ ਦੇਵਾਂ ਮੈਂ
ਕਿਹਨੂੰ ਕਰਾਂ ਸਮਰਪਤ ਇਸਨੂੰ
ਕੀ ਇਸ ਵਿਚ ਉਪਦੇਸ਼ ਦੇਵਾਂ ਮੈਂ
ਇਹ ਸਾਰਾ ਕੁਝ ਲਭਣ ਦੇ ਲਈ ਮੈਂ
ਇਧਰ ਉਧਰ ਮਨ ਭਜਾਇਆ
ਚੁਣ ਚੁਣ ਸ਼ਬਦ ਕਾਗਜ਼ ਤੇ ਰਖਕੇ
ਕਵਿਤਾ ਦਾ ਮੈਂ ਜਨਮ ਕਰਾਇਆ