ਮਿੱਟੀ ਦਾ ਘੜੋਲਾ ਤੇ ਪਤੀਲਾ
ਭਰਕੇ ਬਾਲਟੀ ਪਾਣੀ ਦੀ
ਪਰਾਤ ਦੇ ਵਿੱਚ ਸੀ ਆਟਾ ਗੁੰਨ੍ਹਦੀ
ਹਰ ਘਰ ਘਰ ਵਿੱਚ ਸੁਆਣੀ ਜੀ
ਭਰਕੇ ਬਾਲਟੀ ਪਾਣੀ ਦੀ
ਪਰਾਤ ਦੇ ਵਿੱਚ ਸੀ ਆਟਾ ਗੁੰਨ੍ਹਦੀ
ਹਰ ਘਰ ਘਰ ਵਿੱਚ ਸੁਆਣੀ ਜੀ
ਜੱਗ ਗਿਲਾਸ ਗੜਬੀ ਤੇ ਤੌਲਾ
ਨਾਲੇ ਛੰਨਾ ਕਾਂਸੇ ਦਾ
ਤੌੜੀ ਬੋਹਿਆ ਤੇ ਰਿੜਕਣੀ
ਕੋਲ ਪਿਆ ਛੱਜ ਤੀਲਾਂ ਤੇ ਬਾਂਸੇ ਦਾ
ਨਾਲੇ ਛੰਨਾ ਕਾਂਸੇ ਦਾ
ਤੌੜੀ ਬੋਹਿਆ ਤੇ ਰਿੜਕਣੀ
ਕੋਲ ਪਿਆ ਛੱਜ ਤੀਲਾਂ ਤੇ ਬਾਂਸੇ ਦਾ
ਹੱਥਲੀ ਤੇ ਮਸ਼ੀਨੀ ਚੱਕੀ
ਮੰਜੇ ਕੋਲ ਮਧਾਣੀ ਹੈ
ਚਿਮਟਾ ਚਰਖਾ ਲਾਲਟਣ ਬਲਦੀ
ਨਲਕੇ ਦੇ ਵਿੱਚ ਪਾਣੀ ਹੈ
ਮੰਜੇ ਕੋਲ ਮਧਾਣੀ ਹੈ
ਚਿਮਟਾ ਚਰਖਾ ਲਾਲਟਣ ਬਲਦੀ
ਨਲਕੇ ਦੇ ਵਿੱਚ ਪਾਣੀ ਹੈ
ਹੱਥ ਫੜ ਖੂੰਡਾ ਬਾਹਰੋਂ ਮੁੜਿਆ
ਆ ਮੂੜ੍ਹੇ ਤੇ ਬਹਿ ਗਿਆ
ਸੱਭਿਆਚਾਰਕ ਤੰਦਾਂ ਬਾਰੇ
ਹਰ ਜੀ ਬੱਸ ਇਹ ਕਹਿ ਗਿਆ
ਆ ਮੂੜ੍ਹੇ ਤੇ ਬਹਿ ਗਿਆ
ਸੱਭਿਆਚਾਰਕ ਤੰਦਾਂ ਬਾਰੇ
ਹਰ ਜੀ ਬੱਸ ਇਹ ਕਹਿ ਗਿਆ
ਹਰ ਜੀ ੦੧-੦੯-੨੦੧੫
No comments:
Post a Comment