ਅੱਖਾਂ ਚ ਉੁਦਾਸੀ

ਅੱਜ ਤੇਰੀਆੰ ਚਮਕਦੀਆੰ
ਅੱਖਾੰ ਵਿੱਚ ਕਿਊੰ ਹੈ ਉਦਾਸੀ
ਅੱਜ ਤੇਰੇ ਚਿਹਰੇ ਤੇ ਉੱਭਰੀ ਮੁਸਕਾਨ
ਕਿਊੰ ਲੱਗਦੀ  ਹੈ ਮੈਨੂੰ ਬਾਸੀ

ਛੁਪਾ ਕੇ ਗ਼ਮ ਅਪਣੇ ਅਕਸਰ
ਹਸਾਉਂਦੇ ਰਹਿੰਦੇ ਨੇ ਲੋਕਾੰ ਨੂੰ ਮਰਾਸੀ
ਚਿੱਟੇ ਦੰਦਾੰ ਚੋ ਜੋ ਡੁੱਲ੍ਹ ਡੁੱਲ੍ਹ ਪੈਂਦੀ ਸੀ
ਗੁੱਮ ਕਿੱਥੇ ਗਈ ਹੈ ਉਹ ਤੇਰੀ ਹਾਸੀ

ਹੋਇਆ ਕੀ ਜੇ ਆਪਾੰ ਹਾੰ ਪਰਦੇਸੀ
ਜਾਣ ਪਛਾਣ ਤਾੰ ਅਪਣੀ ਵੀ ਹੈ ਖਾਸੀ
ਪਰਵਾਜ਼ ਤਾੰ ਉਹ ਵੀ ਲਾਉਦੇ ਨੇ
ਹੁੰਦੇ ਨੇ ਜਿਹੜੇ ਪੰਛੀ ਪਰਵਾਸੀ

ਅਸੀੰ ਕਿਹੜੇ ਕਿਸੇ ਵੱਖਰੇ ਗ੍ਰਹਿ ਤੋੰ
ਅਸੀੰ ਵੀ ਇਸ ਧਰਤੀ ਦੇ ਵਾਸੀ
ਸਾਡੀ ਵੀ ਉਵੇੰ ਕੱਟ ਜਾਵੇਗੀ
ਜਿਵੇੰ ਬਾਕੀਆਂ ਦੀ ਕੱਟੇਗੀ ਚੌਰਾਸੀ

ਚੱਲ ਉੱਠ ਹੱਸੀਏ ਨੱਚੀਏ ਗਾਈਏ ਢੋਲੇ
ਭੁੱਲ ਕੇ ਸਾਰਾ ਕੁੱਝ ਜੋ ਹੈ ਸਿਆਸੀ
ਰੰਗ ਜਾਈਏ ਇੱਕ ਦੂਜੇ ਦੇ ਰੰਗ ਵਿੱਚ
ਖਿੜ ਜੇ ਰੂਹ ਜੋ ਹੈ ਚਿਰਾੰ ਤੋਂ ਪਿਆਸੀ
ਹਰ ਜੀ ੦੭/੧੧/੨੦੧੭