Wednesday 29 August 2018

ਅੱਜ ਮੈ ਕਹਿ ਦੇਣਾ



ਅੱਜ ਮੈ ਕਹਿ ਦੇਣਾ
ਸਾਰੇ ਪਰਿਵਾਰਾਂ ਨੂੰ
ਰਿਸ਼ਤੇਦਾਰਾਂ ਨੂੰ
ਦੋਸਤਾਂ ਮਿੱਤਰਾਂ ਤੇ
ਜੁੰਡੀ ਦੇ ਯਾਰਾਂ ਨੂੰ
ਪਿੰਡ ਦੀ ਪੰਚਾਇਤ ਨੂੰ ਤੇ
ਸਮੇ ਦੀਆੰ ਸਰਕਾਰਾਂ ਨੂੰ
ਪੜੌਸੀਆੰ ਨੂੰ
ਪਿੰਡ ਵਾਲਿਆੰ ਨੂੰ
ਘਸਮੈਲ਼ਿਆਂ ਨੂੰ ਤੇ
ਗੋਰਿਆੰ ਕਾਲਿਆਂ ਨੂੰ
ਤੀਵੀਆੰ ਨੂੰ ਤੇ
ਬੰਦਿਆੰ ਨੂੰ
ਮਾੜਿਆਂ ਨੂੰ ਤੇ
ਚੰਗਿਆੰ ਨੂੰ
ਗਰੀਬਾੰ ਨੂੰ ਤੇ
ਅਮੀਰਾੰ ਨੂੰ
ਸਾਧੂ ਸੰਤਾੰ ਨੂੰ ਤੇ
ਫਕੀਰਾੰ ਨੂੰ
ਤੰਦਰੁਸਤਾੰ ਤੇ
ਬਿਮਾਰਾੰ ਨੂੰ
ਨਾਲੇ ਧਰਮ ਦੇ
ਠੇਕੇਦਾਰਾਂ ਨੂੰ
ਲੁੱਚੇ ਲੰਗੇ
ਠੱਗ ਚੋਰਾਂ ਨੂੰ
ਬੁੱਕਲ਼ ਚ ਛਿਪੇ
ਚੁਗਲਖੋਰਾੰ ਨੂੰ
ਕੁੱਤਿਆਂ ਨੂੰ
ਕਮੀਣਿਆੰ ਨੂੰ
ਰਜਵਾੜਿਆੰ ਨੂੰ ਤੇ
ਬੇ ਜਮੀਨਿਆੰ ਨੂੰ
ਮੇਰੇ ਚਾਹੁਣੇ ਵਾਲਿਆੰ ਨੂੰ
ਤੇ ਪਿਆਰਿਆੰ ਨੂੰ
ਬੱਸ ਸਮਝੋ ਪੜਨ ਵਾਲੇ
ਸਾਰਿਆੰ ਨੂੰ

ਤਰੀਕ ਹੀ ਬਦਲੀ ਹੈ
ਕੁੱਝ ਨੀ ਬਦਲਿਆ
ਨਾ ਤੁਸੀਂ ਤੇ ਨਾੰ ਮੈੰ
ਫਿਰ ਰੌਲਾ ਰੱਪਾ ਕਾਹਦਾ
ਬੱਸ ਜ਼ਿੰਦਗੀ ਨੂੰ ਮਾਣੋ
ਤੇ ਖੁਸੀਆੰ ਵੰਡਦੇ ਰਹੋ
ਹਰ ਦਿਨ ਹਰ ਪਲ
ਸਾਲ ਬਦਲਣ ਦੀ
ਉਡੀਕ ਨਾ ਕਰੋ

No comments:

Post a Comment