ਮੈ ਖ਼ੁਦ ਨੂੰ ਕਦੇ ਨੀ ਲੱਭ ਸਕਿਆ
ਪਰ ਰੱਬ ਨੂੰ ਲੱਭਦਾ ਫਿਰਦਾ ਰਿਹਾੰ
ਜ਼ਿੰਦਗੀ ਦੇ ਇਸ ਭੰਬਲ਼ਭੂਸੇ ਵਿੱਚ
ਮੈ ਗੁਆਚਿਆ ਕਾਫ਼ੀ ਚਿਰਦਾ ਰਿਹਾੰ
ਮੇਰੇ ਜੰਮਦੇ ਸਾਰ ਹੀ ਸਿਰ ਉੱਤੇ
ਇੱਕ ਧਰਮ ਦਾ ਠੱਪਾ ਲਾ ਦਿੱਤਾ
ਨਾੰ ਰੱਖਣ ਵੇਲੇ ਮਾਪਿਆੰ ਨੇ
ਮੈਨੂੰ ਪਤਾ ਨੀ ਕੀ ਘੋਲ ਪਿਲਾ ਦਿੱਤਾ
ਰੱਬ ਮਾਪਿਆੰ ਦਾ ਜੋ ਗੁੰਮਿਆ ਸੀ
ਵਿੱਚ ਬਚਪਣ ਲੱਭਣ ਲਾ ਦਿੱਤਾ
ਬੱਸ ਜਵਾਨੀ ਚੜ੍ਹਨ ਤੋਂ ਪਹਿਲਾੰ ਹੀ
ਰੱਬ ਮੇਰੇ ਵਾਲਾ ਗੁਆ ਦਿੱਤਾ
ਰੱਬ ਲੱਭਣ ਵਾਲੇ ਗਧੀ ਗੇੜ ਚ
ਮੈ ਅੱਧੋਂ ਵੱਧ ਹੀ ਉੁਮਰ ਗੁਆ ਬੈਠਾੰ
ਹਰ ਮੰਦਿਰ ਮਸਜਿਦ ਦੁਆਰੇ ਵਿੱਚ
ਪਤਾ ਨੀ ਕਿੰਨੀ ਕੁ ਕਮਾਈ ਚੜ੍ਹਾ ਬੈਠਾੰ
ਨਾੰ ਸੌੰ ਸਕਿਆ ਨਾੰ ਕੱਤ ਸਕਿਆ
ਨਾੰ ਝੂਠੇ ਦਿਖਾਵੇ ਰੋਕ ਸਕਿਆ
ਲੁੱਟ ਰੱਬ ਦੇ ਨਾੰ ਗ਼ਰੀਬਾਂ ਦੀ
ਨਾ ਦੇਖ ਸਕਿਆ ਨਾੰ ਟੋਕ ਸਕਿਆ
ਬੀਜ ਬਿਨਾ ਕੋਈ ਪੌਦਾ ਉੱਗਦਾ ਨਹੀਂ
ਕਿਊੰ ਆਸ ਹੈ ਮੈਨੂੰ ਫੁੱਲ ਖਿਲਣੇ ਦੀ
ਹੁਣ ਤੱਕ ਨੀ ਰੱਬ ਨੂੰ ਕੋਈ ਲੱਭ ਸਕਿਆ
ਆਸ ਛੱਡ ਦਿੱਤੀ ਹੈ ਮੈ ਵੀ ਮਿਲਣੇ ਦੀ
ਹਰ ਜੀ ੧੮/੧੦/੨੦੧੭
No comments:
Post a Comment