Wednesday 29 August 2018

ਅੱਖਰ

ਇਹ ਅੱਖਰ ਜਦ
ਸ਼ਬਦਾਂ ਵਿਚ ਬਦਲ ਜਾਂਦੇ
ਤੇ ਸ਼ਬਦ ਖੰਜਰ ਬਣ
ਦਿਲ ਚ ਖੁਭ ਜਾਂਦੇ
ਤਾਂ ਇਕ ਪੀੜ ਜਨਮ ਲੈਂਦੀ
ਤੇ ਪਾਣੀ ਬਣ
ਅੱਖੀਆਂ ਚੋਂ ਬਹਿ ਤੁਰਦੀ

ਇਹ ਅੱਖਰ ਜਦ
ਸ਼ਬਦਾਂ ਵਿਚ ਬਦਲ ਜਾਂਦੇ
ਤੇ ਸ਼ਬਦ ਮੱਲ੍ਹਮ ਬਣ
ਜਖਮਾਂ ਤੇ ਲੱਗ ਜਾਂਦੇ
ਤਾਂ ਪੀੜ ਪਿਆਰ ਚ
ਤੇ ਅੱਖੀਆਂ ਵਿਚਲਾ ਪਾਣੀ
ਚਮਕ ਵਿਚ ਬਦਲ ਜਾਂਦਾ

ਇਹ ਅੱਖਰ  ਜਦ
ਸ਼ਬਦਾਂ ਵਿਚ ਬਦਲ ਜਾਂਦੇ
ਤੇ ਸ਼ਬਦ ਖੌਫ਼ ਬਣ
ਕਿਸੇ ਦੇ ਰਾਹ ਦਾ ਰੋੜਾ ਬਣ ਜਾਂਦੇ
ਤਾਂ ਰਾਹੀ ਅਟਕ ਦੇ ਡਿੱਗ ਪੈਂਦਾ
ਤੇ ਉਸਦੀ ਮੰਜਿਲ
ਹਨੇਰਿਆਂ ਚ ਗੁਮ ਜਾਂਦੀ

ਇਹ ਅੱਖਰ  ਜਦ
ਸ਼ਬਦਾਂ ਵਿਚ ਬਦਲ ਜਾਂਦੇ
ਤੇ ਸ਼ਬਦ ਹਿੱਮਤ ਬਣ
ਕਿਸੇ ਨੂੰ ਪ੍ਰੇਰਿਤ ਕਰਦੇ
ਤਾਂ ਡਿੱਗੇ ਹੋਏ ਉਠ ਪੈਂਦੇ
ਤੇ ਤੁਰ ਪੈਂਦੇ
ਆਪਣੀ ਮੰਜ਼ਿਲ ਵੱਲ
ਹਰ ਜੀ ੨੧/੦੧/੨੦੧੮

No comments:

Post a Comment