ਖੋਤੀ ਮੁੜ ਕੇ ਬੋਹੜ ਥੱਲੇ ਖੜਗੀ
ਦੇਖਕੇ ਕਈਆਂ ਨੂੰ ਰੰਜਸ਼ ਚੜ੍ਹਗੀ
ਕਹਿੰਦੇ ਕਮਲੀ ਹੋ ਗਈ ਖੋਤੀ
ਕਾਹਤੋਂ ਪਾਈ ਨਾਂ ਸਿਰ ਿੲਸ ਟੋਪੀ
ਅਸੀਂ ਸੀ ਕਰੇਲਾ ਨਿੰਮ ਤੇ ਚੜ੍ਹਾਉਣਾ
ਆਮ ਆਦਮੀ ਸੀ ਿੲਸ ਤੇ ਬਠਾਉਣਾ
ਿੲਹਨੇ ਸਾਡੇ ਨਾਲ ਦਗਾ ਕਮਾਇਆ
ਸੱਦ ਕੇ ਰਾਜੇ ਨੂੰ ਉੱਤੇ ਬਹਾਇਆ
ਕੀਤੇ ਲੋਕ ਅਸੀਂ ਬੜੇ ਕੱਠੇ
ਪਰ ਪਾਏ ਕਿਸੇ ਨਾਂ ਖੋਤੀ ਨੂੰ ਪੱਠੇ
ਹੁਣ ਅਸੀਂ ਕੱਢਦੇ ਲੋਕਾਂ ਨੂੰ ਗਾਲ਼ਾਂ
ਜਿਨ੍ਹਾਂ ਦੀਆਂ ਬਣਨਾ ਸੀ ਅਸੀਂ ਢਾਲਾਂ
ਸਾਨੂੰ ਖ਼ੁਦ ਚ ਨੁਕਸ ਨੀ ਲੱਭਦੇ
ਅਸੀਂ ਤਾਂ ਕੌੜੇ ਅੱਕ ਰਹੇ ਚੱਬਦੇ
ਸਾਡਾ ਆਕਾ ਸੀ ਰੱਬ ਸਾਡਾ
ਧੋਖਾ ਦੇ ਗਿਆ ਪੂਰਾ ਈ ਮਾਝਾ
ਦਿੱਤੇ ਸੀ ਆਕਾ ਜੋ ਦੋ ਨਖੱਟੂ
ਲਗਦਾ ਭਾੜੇ ਦੇ ਸੀ ਉਹ ਟੱਟੂ
ਉਹਨਾ ਨੇ ਕੀਤੀ ਖੂਬ ਕਮਾਈ
ਅਸਾਂ ਨੇ ਖਾਧੀ ਬਹੁਤ ਲੁਟਾਈ
ਅਸੀਂ ਜਨੂੰਨੀ ਥੋੜੇ ਜੇ ਰਹਿ ਗਏ
ਸਿਰ ਤੇ ਪੈਸੇ ਵਾਲੇ ਆ ਬਹਿ ਗਏ
ਅਸੀਂ ਪੀਹੜੀ ਥੱਲੇ ਸੋਟੀ ਨਾਂ ਫੇਰੀ
ਸੋਚ ਲਿਆ ਹੋ ਗਈ ਹੇਰਾ-ਫੇਰੀ
ਨਾਲੇ ਖੋਤੀ ਧੋਖਾ ਕਰ ਗਈ
ਤਾਂਹੀ ਤਾਂ ਮੁੜ ਬੋਹੜ ਥੱਲੇ ਖੜਗੀ
ਹਰ ਜੀ ੧੫/੦੩/੨੦੧੭
No comments:
Post a Comment