ਮੈਂ ਵਿੱਜ ਨਹੀਂ
ਮੈਂ ਬਿੱਜੂ ਹਾਂ
ਤਾਂ ਹੀ ਤਾਂ ਮੈਂ
ਦੇਸ਼ ਭਗਤ ਹਾਂ
ਉਹ ਵੀ ਐਸਾ
ਜਿਸ ਨੇ ਦੇਸ਼ਭਗਤੀ ਦੇ
ਮਾਇਨੇ ਬਦਲ ਕੇ
ਮਸਾਂ ਲਾਇਨ ਪਾਰ ਕੀਤੀ
ਮੈਂ ਬੀਰੂ ਹਾਂ
ਸ਼ੋਲੇ ਵਾਲਾ ਨਹੀਂ
ਖਿੱਦੋ ਥਾਪੀ ਵਾਲਾ
ਸ਼ੋਲੇ ਵਾਲਾ ਨੇ
ਤਾਂ ਫੇਰ ਵੀ
ਜੰਗ ਲੜੀ ਸੀ
ਮੈਂ ਤਾਂ ਥਾਪੀ
ਨਾਲ ਖਿੱਦੋ ਮਾਰ ਕੇ
ਤਿੰਨ ਸੌ ਵਾਰ
ਿੲੱਧਰ ਉੱਧਰ
ਦੌੜਿਆ ਹਾਂ
ਮੈਂ ਹੁੱਡਾਂ ਹਾਂ
ਲੋਕੀਂ ਮੈਨੂੰ
ਐਕਟਰ ਕਹਿੰਦੇ ਨੇ
ਪਰ ਕੰਮ ਮੇਰੇ
ਕਮੀਣੇ ਨੇ
ਮੇਰੇ ਲਈ
ਮਰਾਸੀਪੁਣੇ ਤੋਂ ਵੱਡਾ
ਦੇਸ਼ਭਗਤੀ ਦਾ
ਹੋਰ ਕੋਈ ਕੰਮ ਨਹੀਂ
ਅਸੀਂ ਤਿੰਨੇ ਪਿਓ ਤੋਂ
ਅਲੱਗ ਹੋਈ
ਮਾਤਰ ਭੂਮੀ ਤੇ
ਜੰਮੇ ਹਾਂ
ਸਾਇਦ ਤਾਂਹੀ
ਪਿਓ ਦੀ ਕੁਰਬਾਨੀ ਨੂੰ
ਕਦੇ ਸਮਝ ਨਹੀਂ ਸਕੇ
ਤੇ ਖੋਖਲੇ ਰਾਸ਼ਟਰਵਾਦ ਦੇ
ਭੰਬਲ਼ਭੂਸੇ ਚ ਸਦਾ ਲਈ
ਕੈਦ ਹੋ ਕੇ ਰਹਿ ਗਏ
ਹਰ ਜੀ ੦੨/੦੩/੨੦੧੭
No comments:
Post a Comment