ਪੇਕੇ ਜਾ ਨੀ ਵਹੁਟੀ

ਕਦੇ ਤਾਂ ਪੇਕੇ ਜਾ ਨੀ ਵਹੁਟੀ
ਜਾ ਮਾਂ ਨਾਲ ਹਥ ਵਟਾ ਨੀ ਵਹੁਟੀ

ਜਦ ਤੋਂ ਤੂੰ ਮੇਰੇ ਘਰ ਆਈ
ਮੇਰੀ ਤੂੰ ਬਣ ਗਈ ਪਰਛਾਈ
ਉਂਗਲ ਤੇ ਮੈਨੂ ਫਿਰੇ ਨਚਾਈ
ਹੁਣ ਲੈਣ ਦੇ ਸੁਖ ਦਾ ਸਾਹ ਨੀ ਵਹੁਟੀ

ਬਚਿਆਂ ਨੂੰ ਮੈਂ ਸਾਂਭ ਲਾਊਂਗਾ
ਭਾਂਡੇ ਟੀਂਡੇ ਮਾਂਜ ਲਾਊਂਗਾ
ਤੇਰੇ ਲੌਟਣ ਦੀ ਤਾਂਘ ਕਰੁਂਗਾ
ਜਾ ਭਾਬੀ ਦੀਆਂ ਪੱਕੀਆਂ ਖਾ ਨੀ ਵਹੁਟੀ

ਪੰਜ ਸਤ ਦਿਨ ਕੋਈ ਚਿੱਠੀ ਨਾਂ ਪਾਈਂ
ਨਾਹੀਂ ਕੋਈ ਮੈਨੂੰ ਫੋਨ ਲਗਾਈਂ
ਭੂਆ ਬਣ ਇੰਝ ਹੁਕਮ ਚਲਾਈਂ
ਸੁੱਕ ਜਾਣ ਸਭ ਦੇ ਸਾਹ ਨੀ ਵਹੁਟੀ

ਯਾਰਾਂ ਦੇ ਸੰਗ ਬਹਿਣ ਦੇ ਮੈਨੂੰ
ਠੱਠਾ ਮਖੌਲ ਕਰ ਲੈਣ ਦੇ ਮੈਨੂੰ
ਮਨ ਦਾ ਉਬਾਲ ਕਢ ਲੈਣ ਦੇ ਮੈਨੂੰ
ਕਰਨ ਦੇ ਪੂਰੇ ਚਾਅ ਨੀ ਵਹੁਟੀ

ਪੇਕਿਆਂ ਤੋਂ ਤੈਨੂੰ ਲੈਣ ਮੈਂ ਆਊਂਗਾ
ਫੁੱਫੜ ਬਣ ਉਥੇ ਕਦੇ ਨਾਂ ਦਿਖਾਊਂਗਾ
ਰਸਤੇ ਵਿਚ ਤੈਨੂੰ ਚਾਹ ਵੀ ਪਿਆਊਂਗਾ
ਹੁਣ ਫੜ ਪੇਕਿਆਂ ਦਾ ਰਾਹ ਨੀ ਵਹੁਟੀ

ਹਰ ਜੀ 12/03/2015