ਮੈੰ ਪੁਆਧੀਆ

ਮੈ ਵੀ ਹਾੰ ਪੰਜਾਬ ਦਾ ਵਾਸੀ
ਮੈ ਜੰਮਿਆ ਵਿੱਚ ਪੁਆਧੀ
ਸਾਗ ਸਰੋਂ ਤੇ ਨਾਲ ਮੱਖਣ ਪੇੜੇ
ਮੈੰ ਵੀ ਮੱਕੀ ਦੀ ਰੋਟੀ ਖਾਧੀ

ਨਾ ਮਲਵਈ ਨਾ ਮਾਝੀ ਦੁਆਬੀ
ਮਾਹਰੀ ਬੋਲੀ ਵੀ ਹੈ ਵੱਖਰੀ
ਸੋਹਣਾ ਸਮੇਲ ਪੰਜਾਬੀ ਹਿੰਦੀ ਦਾ
ਨਾਲ ਲਿੱਖਦੇ ਹਾਂ ਪੈੰਤੀ ਅੱਖਰੀ

ਗੋਰੇ ਕਾ ਜੋ ਖੇਤ ਹੈ ਮਾ੍ਹਰਾ
ਵਹਾਂ ਗੈੰ ਮੈ੍ਹਸ ਹਮ ਬੰਨ੍ਹਦੇ
ੳੱਥੇ ਬਹਿ ਹਮ ਅੰਬ ਚੂਪਤੇ
ਨਾਲੇ ਕੁੱਕੜੀਆਂ ਥੇ ਭੁੰਨਦੇ

ਮਾਹਰੇ ਗੌੰ ਕੋ ਗੋਹਰ ਜੋ ਜਾਵੈ
ਉਸ ਬੀਚ ਮਾਂ ਲੰਘਦਾ ਘਾਰਾ
ਬਰਸਾਤ ਮਾੰ ਜੋ ਮੇਰੇ ਗੈਲ ਗਏ ਥੇ
ਉਹ ਮੁੜ ਪਿੰਡ ਨਾੰ ਬੜੇ ਦੁਬਾਰਾ

ਦੋ ਦੋ ਇੰਚ ਜੋ ਪਾਣੀ ਦੇਵੈੰ
ਮਾਹਰੇ ਖੇਤਾੰ ਮਾੰ ਬੰਬੇੇ ਲੱਗੇ
ਹਮ ਉੱਨਕੋ ਹੇੇੈੰ ਬੈਲ ਬੋਲਤੇ
ਜੋ ਥੋਡੇ ਲਈ ਬਲ਼ਦ ਢੱਗੇ

ਪੰਜਾਬ ਕੀ ਯੇ ਜੋ ਰਾਜਧਾਨੀ
ਵੋ ਵੀ ਬੀਚ ਪੁਆਧ ਮਾਂ ਵੱਸੈ
ਮਲਵਈ ਮਝੈਲ ਤੇ ਦੁਆਬੀਏ
ਅਬ ਪੁਆਧ ਕੀ ਤਰਫ ਹੀ ਨੱਸੈੰ

ਹਰ ਜੀ 26/05/2015