ਮੈਂ ਕਿਹਾ ਮੇਰੀ ਮੈਂ ਉਸ ਕਿਹਾ ਮੇਰੀ ਮੈਂ
ਇਸ ਮੈਂ ਕਰਕੇ ਸਾਡੀ ਹੋ ਗਈ ਮੈਂ ਮੈਂ
ਇਸ ਮੈਂ ਕਰਕੇ ਸਾਡੀ ਹੋ ਗਈ ਮੈਂ ਮੈਂ
ਨਾਂ ਓਹਨੂੰ ਸਮਝ ਆਈ ਮੇਰੀ ਮੈਂ
ਨਾਂ ਓਹਦੀ ਮੈਂਥੋਂ ਸਮਝੀ ਗਈ ਮੈਂ
ਸੁਲਝਾ ਨੀਂ ਸਕਿਆ ਹੁਣ ਤੱਕ ਮੈਂ
ਇੰਨੀ ਹੈ ਗੁੰਜਲਦਾਰ ਇਹ ਮੈਂ
ਬਣੀ ਹੋਈ ਪਤਾ ਨੀਂ ਕਾਹਦੀ ਮੈਂ
ਪੰਗੇ ਲਈ ਹਮੇਸ਼ਾਂ ਤਿਆਰ ਇਹ ਮੈਂ
ਡੁੱਬਕੇ ਵਿਚ ਕੁਪੱਤੀ ਮੈਂ
ਪਤਾ ਨੀਂ ਕੀ ਕਹਿ ਜਾਨਾ ਮੈਂ
ਮਨ ਚੋਂ ਨਿੱਕਲ ਜਾਂਦੀ ਜਦ ਮੈਂ
ਫੇਰ ਬੜਾ ਪਛਤਾਓਨਾ ਮੈਂ
ਕਿਸ ਮਿੱਟੀ ਦੀ ਬਣੀ ਇਹ ਮੈਂ
ਵਖਰੇ ਰੰਗ ਦਿਖਾਉਂਦੀ ਮੈਂ
ਜਿਹਨੂੰ ਇਕ ਵਾਰ ਚੜ੍ਹਜੇ ਮੈਂ
ਫਿਰ ਦੇਖ ਕਿੰਝ ਘੁਮਾਉਂਦੀ ਮੈਂ
ਕਿੰਝ ਛੁਟਕਾਰਾ ਪਾਵਾਂ ਮੈਂ
ਚੰਬੜੀ ਬਣਕੇ ਭੂਤਨੀ ਮੈਂ
ਜਦ ਤੱਕ ਨਾਂ ਭੂਤ ਕਢਾਵਾਂ ਮੈਂ
ਤਦ ਤੱਕ ਹੁੰਦਾ ਸੂਤ ਨੀਂ ਮੈਂ
No comments:
Post a Comment