ਕਨੇਡਾ

ਧੰਨਵਾਦ ਕਨੇਡਾ ਵਾਲਿਓ
ਦੇਸ ਤੋਹਾਡਾ ਸੁੰਦਰ ਹੈ
ਝੀਲ ਕਿਨਾਰੇ ਟੋਰਾਂਟੋ ਵਸਦਾ
ਵਿਕਟੋਰੀਆ ਦੁਆਲੇ ਸਮੁੰਦਰ ਹੈ

ਸਰੀ ਦੇ ਵਿਚ ਦੇਸੀ ਬਾਬੇ
ਵਿਚ ਬ੍ਰਾਮਪਟਨ ਮਿਸ਼੍ਰਣ ਹੈ
ਓਨਟਾਰੀਓ ਦੀ ਧਰਤ ਬਰਫ਼ ਨਾਲ ਢੱਕੀ
ਬੀ ਸੀ ਦੇ ਵਿਚ ਕਿਣਮਿਣ ਹੈ

ਬਹੁਤ ਵੱਡੇ ਨੇ ਦਿਲ ਥੋਡੇ
ਤੇ ਵੱਡੇ ਘਰਾਂ ਵਿਚ ਤੁਸੀਂ ਰਹਿੰਦੇ
ਮੇਜ਼ਬਾਨੀ ਦਾ ਜਜ਼ਬਾ ਵੱਖਰਾ
ਵੱਡੀ ਕਰ ਨੂੰ ਤੁਸੀਂ ਟਰੱਕ ਕਹਿੰਦੇ

ਖੁੱਲਾ ਖਾਂਦੇ ਖੁੱਲਾ ਪੀਂਦੇ
ਕੰਮ ਵੀ ਤੁਸੀਂ ਖੁੱਲ ਕੇ ਕਰਦੇ
ਯਾਰਾਂ ਦੇ ਤੁਸੀਂ ਯਾਰ ਹੋ ਪੱਕੇ
ਯਾਰਾਂ ਦੀ ਬਾਂਹ ਭੱਜ ਕੇ ਫੜਦੇ

ਖੁਸ਼ੀ ਵੱਸੋ ਰਹੋ ਚੜਦੀ ਕਲਾ ਵਿਚ
ਅਸੀਂ ਦਿਲੋਂ ਅਰਦਾਸ ਕਰਾਂਗੇ
ਇਹਨਾਂ ਸੋਹਣੀਆ ਯਾਦਾਂ ਨੂੰ
ਅਸੀਂ ਸਦਾ ਦਿਲ ਦੇ ਪਾਸ ਧਰਾਂਗੇ