ਕਰਤੇ ਦੀ ਕਿਰਤ

ਕਿਓਂ  ਕਰਤੇ ਨੂੰ ਨਹੀਂ 

ਉਸਦੀ ਕਿਰਤ ਨੂੰ ਪੂਜਦਾ ਹਾਂ ਮੈਂ 

ਇਸ  ਗੁੰਝਲ ਨੂੰ ਸਮਝਣ ਲਈ 

ਕਾਫੀ ਚਿਰ ਤੋਂ ਜੂਝਦਾ ਹਾਂ ਮੈਂ 

ਮਿਸਤਰੀ  ਨੂੰ ਨਹੀਂ 

ਉਸ ਦੇ ਬਣਾਏ ਮੰਦਿਰ ਨੂੰ 

ਸਜਾਉਂਦਾ ਹਾਂ ਮੈਂ 

ਕਾਰੀਗਰ ਨੂੰ ਨਹੀਂ 

ਉਸ ਦੀ ਬਣਾਈ ਮੂਰਤੀ ਤੇ 

ਫੁੱਲ ਚੜਾਉਂਦਾ ਹਨ ਮੈਂ 

ਚਿਤਰਕਾਰ ਦੇ ਨਹੀਂ 

ਉਸਦੇ ਚਿੱਤਰਾਂ ਤੇ 

ਹਾਰ ਪਾਉਂਦਾ ਹਾਂ ਮੈਂ 
ਕਾਸ਼ਤਕਾਰਾਂ ਦੀ ਜਿਣ੍ਸ  ਦੇ
ਕਈ ਪਦਾਰਥ ਉਸ ਦੇ
ਅੱਗੇ ਚੜਾਉਂਦਾ ਹਾਂ ਮੈਂ

ਸ਼ਾਇਦ ਇਹੀ ਕਾਰਨ ਹੈ
ਰੱਬ ਨੂੰ ਨਹੀਂ
ਉਸਦੇ ਬੰਦਿਆਂ ਨੂੰ ਪੂਜਦਾ ਹਾਂ ਮੈਂ
ਸਭ ਕੁਝ ਸਮਝਕੇ ਵੀ
ਪਤਾ ਨਹੀਂ ਫਿਰ  ਕਿਓਂ
ਉਸੇ ਉਲਝਣ ਨਾਲ ਜੂਝਦਾ ਹਾਂ ਮੈਂ.