ਓਹਦੀ ਪੀੜ

ਮੈਂ ਓਹਦੀ ਪੀੜ ਨੂੰ ਜ਼ਰ ਨਹੀਂ ਸਕਦਾ
ਓਹਦੇ ਲਈ ਕੁਝ ਕਰ ਨਹੀਂ ਸਕਦਾ
ਓਹਦੇ ਸਾਹਮਣੇ ਬੈਠ ਕਦੇ ਵੀ
ਅੱਖਾਂ ਚ ਪਾਣੀ ਭਰ ਨਹੀਂ ਸਕਦਾ

ਅੰਦਰੋਂ ਅੰਦਰ ਹੀ ਰੋਂਦਾ ਰਹਿਨਾ
ਓਹਨੂੰ ਪੀੜ ਵਿਚ ਵੇਹੰਦਾ ਰਹਿਨਾ
ਆਪਣੇ ਅੰਦਰ ਦੇ ਜ਼ਖਮਾਂ ਨੂੰ
ਖਾਰੇ ਹੰਝੂਆਂ ਨਾਲ ਧੋਂਦਾ ਰਹਿਨਾ

ਕਿੱਦਾਂ ਓਹਦੀ ਮੈਂ ਪੀੜ ਵੰਡਾਵਾਂ
ਕਿਹੜੀ ਓਹਦੇ ਮਲ੍ਹਮ ਲਾਵਾਂ
ਗੁਮ ਗਈ ਜੋ ਓਹਦੇ ਚੇਹਰੇ ਤੋਂ
ਵਾਪਿਸ ਕਿਦਾਂ ਓਹ ਖੁਸ਼ੀ ਲਿਆਵਾਂ

ਆਪਣੇ ਵੱਲੋਂ ਕੋਸ਼ਿਸ ਕਰਦਾਂ
ਨਾਲ ਪਿਆਰ ਓਹਦੇ ਜਖ੍ਮ ਮੈਂ ਭਰਦਾਂ
ਕਿਤੇ ਪੀੜ ਇਹ ਹੋਰ ਨਾਂ ਵਧਜੇ
ਇਹ ਸੋਚ ਥੋੜਾ ਅੰਦਰੋਂ ਡਰਦਾਂ

ਇਹ ਰੱਬਾ ਕੋਈ ਜੁਗਤ ਬਣਾਦੇ
ਓਹਦੀ ਪੀੜ ਨੂੰ ਦੂਰ ਭ੍ਜਾਦੇ
ਚਾਹੇ ਓਹ ਤੂੰ ਮੈਨੂੰ ਦੇਦੇ
ਪਰ ਉਸਨੂੰ ਤੰਦਰੁਸਤ ਬਣਾਦੇ