ਆਪ ਜੀ ਕੌਣ ਹੋ ਕੀ ਕਰਦੇ ਹੋ
ਬਾਰੇ ਕਹਿਣਾ ਹੈ ਬਹੁਤ ਮੁਸ਼ਕਿਲ
ਪਰ ਮੈਂ ਇਹ ਕਹਿ ਸਕਦਾ ਹਾਂ
ਕਿ ਆਪ ਜੀ ਹੋ
ਨਾਰੀਅਲ ਦੇ ਕੱਚੇ ਫ਼ਲ ਵਾਂਗ
ਜੋ ਹੁੰਦਾ ਹੈ ਉਪਰੋਂ ਤਾਂ ਬਹੁਤ ਸਖ਼ਤ
ਪਰ ਅੰਦਰੋਂ ਨਰਮ,ਮੁਲਾਇਮ
ਤੇ ਪਾਣੀ ਨਾਲ ਭਰਿਆ
ਦੇਖ ਕਿ ਬਾਹਰੀ ਅਕਾਰ
ਅਕਸਰ ਲੈਂਦੇ ਨੇ ਬਣਾ ਲੋਕੀਂ
ਗਲਤ ਧਾਰਨਾ ਆਪ ਜੀ ਦੇ ਬਾਰੇ
ਪਰ ਜੋ ਜਾਣਦੇ ਨੇ
ਨੇੜੇ ਤੋਂ ਆਪ ਜੀ ਨੂੰ
ਪਤਾ ਹੈ ਉਹਨਾ ਨੂੰ
ਕਿ ਆਪ ਜੀ ਕਿੰਨੇ ਕੋਮਲ ਦਿਲਵਾਲੇ
ਤੇ ਯਾਰਾਂ ਦੇ ਯਾਰ ਹੋ
ਵਹਾਏ ਨੇ ਅੱਥਰੂ ਆਪ ਜੀ ਨੇ
ਹਮੇਸ਼ਾਂ ਯਾਰਾਂ ਦੇ ਦੁਖਾਂ ਵੇਲੇ
ਤੇ ਪਾਏ ਨੇ ਭੰਗੜੇ
ਯਾਰਾਂ ਦੀ ਖੁਸ਼ੀ ਵਿਚ
ਕੀਤਾ ਹੈ ਹਰੇਕ ਦਾ ਕੰਮ
ਆਪ ਜੀ ਨੇ ਸਮਝਕੇ ਆਪਣਾ
ਤੇ ਕੀਤਾ ਹੈ ਗੁੱਸਾ ਅਕਸਰ
ਸਲਾਹ ਨਾਂ ਮੰਨਣ ਤੇ ਵੀ
ਚਿੜੀਆਂ ਦਾ ਚੰਭਾ,
ਹੀਰ ਤੇ ਮਿਰਜ਼ਾ
ਹਨ ਆਪ ਜੀ ਦੀਆਂ
ਮੰਨ੍ਭੌਦੀਆਂ ਲੋਕ ਗਾਥਾਵਾਂ
ਤੇ ਗਾਇਆ ਹੈ ਇਹਨਾ ਨੂੰ
ਆਪ ਜੀ ਨੇ ਹਰੇਕ ਖੁਸ਼ੀ ਦੇ ਮੌਕੇ ਤੇ
ਲੱਗਦਾ ਹੈ ਪਿਆਰ ਆਪ ਜੀ ਨੂੰ
ਹੈ ਬਹੁਤ ਮੰਜੇ ਨਾਲ ਵੀ
ਸ਼ਾਇਦ ਇਸੇ ਕਰਕੇ ਖੇਡਦੇ ਹੋ
ਅਕਸਰ
ਕਦੇ ਮੰਜੇ ਦੇ ਉੱਤੇ ਤੇ ਕਦੇ
ਮੰਜੇ ਦੇ ਥੱਲੇ ਵਾਲੀ ਖੇਡ
ਮਾਰੀਆਂ ਨੇ ਆਪ ਜੀ ਨੇ
ਜਿੰਦਗੀ ਚ ਕਈ ਅਨਹੋਣੀਆਂ ਮੱਲਾਂ
ਤੇ ਦਿੱਤਾ ਹੈ ਹਮੇਸ਼ਾਂ ਰੱਬ ਨੇ
ਆਪ ਜੀ ਦਾ ਸਾਥ
ਮਾਣ ਹੈ ਸਾਨੂੰ ਇਸੇ ਕਰਕੇ
ਆਪ ਜੀ ਦੀ ਸਮਰਥਾ ਤੇ
ਮੇਰੀ ਤਾਂ ਹਮੇਸ਼ਾਂ ਅਰਦਾਸ ਹੈ
ਉਸ ਡਾਢੇ ਦੇ ਅੱਗੇ
ਕਿ ਬਖਸ਼ਦਾ ਰਹੇ ਆਪ ਜੀ ਨੂੰ
ਹਿੰਮਤ, ਖੁਸੀਆਂ ਤੇ ਲੰਬੀ ਉਮਰ
ਤੇ ਭਰਦੇ ਰਹੀ ਅਸੀਂ ਹਮੇਸ਼ਾਂ
ਚੁੰਗੀਆਂ ਆਪ ਜੀ ਦੇ ਇਰਦ ਗਿਰਦ
No comments:
Post a Comment