ਮੇਰਾ ਪੰਜਾਬ

ਮੇਰੇ ਰੰਗਲੇ ਪੰਜਾਬ ਵਿਚ
ਡੇਰਿਆਂ ਦੇ ਮਹੰਤ ਬੜੇ ਨੇ
ਰੰਗ ਬਿਰੰਗੇ ਚੋਲਿਆਂ ਵਾਲੇ
ਪਰਜਾ ਭੇਖੀ ਸੰਤ ਬੜੇ ਨੇ 

ਆਪਣਾ ਰੋਗ ਜੋ ਜਾਣ ਨਾਂ ਸਕਣ
ਇਹੋ ਜਿਹੇ ਧਨਵੰਤ  ਬੜੇ ਨੇ
ਦੋ ਲਾਇਨਾ ਕਾਗਜ਼ ਤੇ ਜੋ ਲਿਖਦੇ
ਮੇਰੇ ਜਿਹੇ ਖੁਸ਼ਵੰਤ  ਬੜੇ ਨੇ 

ਨਸ਼ੇ ਤਸਕਰੀ ਦੇ ਧੰਦੇ ਵਾਲੇ

ਭੋਲੇ ਬਿਕਰਮ ਬੰਤ ਬੜੇ ਨੇ

ਰਿਸ਼ਵਤ ਖੋਰੀ ਚੋਰ ਬਜਾਰੀ
ਵਾਲੇ ਸਰਕਾਰੀ ਏਜੰਟ ਬੜੇ ਨੇ

ਮਾਂ ਬੋਲੀ ਨਾਲ ਛੇੜ ਛਾੜ  

ਕਰਨ ਵਾਲੇ ਮਨ੍ਮੰਤ ਬੜੇ ਨੇ 

ਰਾਜ ਨਹੀਂ ਸੇਵਾ ਦੇ ਨਾਂ ਤੇ 

ਰਚੇ ਜਾਂਦੇ ਛੜਿਅੰਤ ਬੜੇ ਨੇ

ਧੀਆਂ ਨੂੰ ਕੁੱਖਾਂ ਵਿਚ ਮਾਰਦੇ 

ਨਾਰਾਂ ਦੇ ਇਥੇ ਕੰਤ ਬੜੇ ਨੇ

ਮਨ ਪਿਓ ਦੀ ਇੱਜਤ ਨੂੰ ਰੋਲਣ 

ਵਾਲੇ ਇਥੇ ਫਰਜੰਦ ਬੜੇ ਨੇ 

ਮਰੀਅਲ ਜਿਹੇ ਜੋ ਗੱਭਰੂ ਇਥੇ
ਕਹਿੰਦੇ ਸਾਡੇ ਵਿਚ ਤੰਤ ਬੜੇ ਨੇ 

ਲਾ ਨਸ਼ੇ ਦੇ ਟੀਕੇ ਇਹ ਤਾਂ 

ਹੋ ਜਾਂਦੇ ਫਿਰ ਚੰਟ ਬੜੇ ਨੇ 

HSD 24/05/2014