ਜਿੰਦਗੀ ਦਾ ਭੰਬਲਭੂਸਾ

ਕਦੇ ਸੁਣਦੇ ਸਾਂ 

ਕਦੇ ਕਹਿੰਦੇ ਸਾਂ 

ਕਦੇ ਚੁਪ ਕਰਕੇ ਹੀ 

ਬਹਿੰਦੇ ਸਾਂ 

ਕਦੇ ਭੱਜ ਭੱਜ 

ਪੌੜੀ ਚੜਦੇ ਸਾਂ

ਕਦੇ ਮੋੜਾਂ ਉੱਤੇ

ਖੜਦੇ ਸਾਂ

ਕਦੇ ਘੋੜ ਕਬੱਡੀ 

ਪਾਉਂਦੇ ਸਾਂ 

ਕਦੇ ਲੰਬੀ ਦੌੜ 

ਲਗਾਉਂਦੇ ਸਾਂ 

ਕਦੇ ਡੰਗਰ ਚਾਰ 

ਲਿਆਉਂਦੇ ਸਾਂ   

ਸੰਗ ਮਝਾਂ

ਤਾਰੀਆਂ ਲਾਉਂਦੇ ਸਾਂ 

ਕਦੇ ਚੋਰੀ ਅੰਬੀਆਂ 

ਤੋੜਦੇ ਸਾਂ  

ਕਦੇ ਖੇਤੀਂ ਨੱਕੇ 

ਮੋੜਦੇ ਸਾਂ 

ਹੁਣ ਕੰਮਾਂ ਨੇ 

ਤੇ ਕਾਰਾਂ ਨੇ 

ਕੁਝ ਆਵਾਗਉਣ 

ਵਕਾਰਾਂ ਨੇ

ਕੁਝ ਸਮੇ ਦੀਆਂ 

ਸਰਕਾਰਾਂ ਨੇ
ਕੁਝ ਨਸ਼ੇ
ਤਸਕਰੀ ਕਾਰਾਂ ਨੇ
ਕੁਝ ਧਰਮ ਦੇ
ਠੇਕੇਦਾਰਾਂ ਨੇ
ਕੁਝ ਬਾਬਿਆਂ ਦੇ
ਪੈਰੋਕਾਰਾਂ ਨੇ

ਕੁਝ ਹੁਸਨ ਦੇ
ਪਹਿਰੇਦਾਰਾਂ ਨੇ 

ਕੁਝ ਨਕਲੀ 

ਬੇਲੀਆਂ ਯਾਰਾਂ ਨੇ
ਕੁਝ ਬਿਨ ਬਿਜਲੀ
ਦੀਆਂ ਤਾਰਾਂ ਨੇ
ਕੁਝ ਸਿਰ ਗ੍ਰਿਹਸਿਤੀ
ਦੇ ਭਾਰਾਂ ਨੇ

ਇਸ ਛੋਟੀ ਜਿਹੀ
ਜਿੰਦਗਾਨੀ ਨੂੰ 

ਭੰਬਲਭੂਸੇ ਵਿਚ 

ਪਾ ਦਿੱਤਾ
ਭੁਲਾ ਪਿਆਰ ਦਾ
ਰਿਸਤਾ ਜਗ ਅੰਦਰ
ਸਭ ਨੂੰ ਪੈਸੇ ਦੀ ਹੋੜ
ਤੇ ਲਾ ਦਿੱਤਾ 

HSD 17/06/2014