ਅਸੀਂ ਕੌਣ ਹੁੰਨੇ ਆਂ
ਕਦੇ ਰਾਮ ਹੁੰਨੇ ਆਂ
ਤੇ ਕਦੇ ਰਾਉਣ ਹੁੰਨੇ ਆਂ
ਕਿਤੇ ਤੱਤੀਆਂ ਨੇ ਲੂਆਂ
ਕਿਤੇ ਠੰਡੀ ਪੌਣ ਹੁੰਨੇ ਆਂ
ਕਦੇ ਜੇਠ ਦਾ ਮਹੀਨਾ
ਕਦੇ ਸਾਉਣ ਹੁੰਨੇ ਆਂ
ਕਦੇ ਠੰਡੀ ਨਹਿਰ ਵਿਚਲਾ
ਅਸੀਂ ਨਾਉਣ ਹੁੰਨੇ ਆਂ
ਜਿਹੜੀ ਕਸ ਦੇਵੀ ਮੰਜਾ
ਓਹ ਕਦੇ ਦੌਣ ਹੁੰਨੇ ਆਂ
ਕਦੇ ਤੂਤਾਂ ਵਾਲੈ ਖੂਹ ਦੀ
ਅਸੀਂ ਮੌਣ ਹੁੰਨੇ ਆਂ
ਕਦੇ ਲੰਮੀ ਹੇਕ ਵਾਲਾ
ਅਸੀਂ ਗਾਉਣ ਹੁੰਨੇ ਆਂ
ਕਦੇ ਕੀੜਿਆਂ ਮਕੌੜਿਆਂ ਦਾ
ਭੌਣ ਹੁੰਨੇ ਆਂ
ਲੋਕੀਂ ਆਪੇ ਬੁਝ ਲੈਂਦੇ
ਅਸੀਂ ਕੌਣ ਹੁੰਨੇ ਆਂ
HSD 06/01/15
No comments:
Post a Comment