ਮੈਂ

ਨਾਂ ਬਣ ਫੁੱਲ ਕਿਸੇ ਸੂਰਜਮੁਖੀ ਦਾ
ਸੂਰਜ ਨਾਲ  ਮੈਂ ਘੁਮਿਆ
ਨਾਂ ਬਣ ਸਾਥੀ ਚਕੋਰ ਕਿਸੇ ਦਾ
ਮੈਂ ਕਦੇ  ਚੰਦ੍ਰਮਾ ਨੂੰ ਚੁਮਿਆ

ਨਾਂ ਮੈਂ ਕਦੇ ਪਪੀਹਾ ਬਣਕੇ
ਬੱਦਲਾਂ ਵੱਲ ਨੂੰ ਤੱਕਿਆ
ਨਾਂ ਕਦੇ ਕੋਈ ਟਟੀਰੀ ਬਣਕੇ
ਅਸਮਾਨ ਟੰਗਾਂ ਉੱਤੇ ਚੱਕਿਆ 

ਨਾਂ ਮੈਂ ਕਦੇ ਕੋਈ ਪੰਛੀ ਬਣਕੇ
ਉੱਡਿਆ ਵਿਚ ਅਸਮਾਨੀਂ
ਨਾਂ ਬਿੱਲੀ ਨਾਂ ਸਿਹਾ ਬਣਕੇ
ਦਿੱਤੀ ਕੁੱਤਿਆਂ ਨੂੰ ਝਕਾਨੀ

ਨਾਂ ਕਦੇ ਕੋਈ ਸਿਆਣਾ ਬਣਕੇ
ਕਿਸੇ ਨੂੰ ਪਾਠ ਪੜ੍ਹਾਇਆ
ਨਾਂ ਕਿਸੇ ਜੱਟ ਦੇ ਪੁੱਤਰ ਵਾਂਗੂੰ
ਖੇਤਾਂ ਵਿਚ ਹਲ੍ਹ ਵਾਹਿਆ

ਧੋਬੀ ਦੇ ਕੁੱਤੇ ਦੇ ਵਾਂਗੂੰ  ਰਿਹਾ
ਚੱਕਰ ਘਰ ਘਾਟ ਦੇ ਲਾਉਂਦਾ
ਬਸ ਆਵਾਗਉਣ ਜਿਹੀਆਂ ਗੱਲਾ ਪਿੱਛੇ
ਰਿਹਾ ਲੋਕਾਂ ਨਾਲ ਸਿੰਗ ਫਸਾਉਂਦਾ

ਟੱਪ ਗਿਆ ਜਦੋਂ ਪੰਜਾਹ ਤੋਂ ਉੱਤੇ
ਤਾਂ ਆ ਅਕਲ ਬੂਹਾ ਖੜਕਾਇਆ
ਪਿਛਲੇ ਚਾਰ ਪੰਜ ਸਾਲਾਂ ਦੇ ਵਿਚ
ਜਿੰਦਗੀ ਨੇ ਬੜਾ ਹੀ ਕੁਝ ਸਖਾਇਆ

ਰਹਿਗੇ ਜੇਹੜੇ ਪੰਜ ਸੱਤ
ਓਹ ਵੀ ਚੰਗੇ ਹੀ ਜਾਣਗੇ
ਚਾਰ ਭਾਈਆਂ ਦੇ ਮੋਢੇ ਚੜ
ਫਿਰ ਯਾਰ ਉਡਾਰੀ ਲਾਉਣਗੇ

HSD 05/12/2014