ਕੋਹੜ ਸਮਾਜੀ

ਨਾਂ ਕਰ ਚੋਰੀ ਨਾਂ ਸੀਨਾ ਜੋਰੀ
ਇਹ ਆਦਤ ਨਹੀਂ ਹੈ ਚੰਗੀ
ਪਹਿਲਾਂ ਹੀ ਇਸ ਆਦਤ ਦੇ ਵਿਚ
ਦੁਨਿਆ ਫਿਰਦੀ ਰੰਗੀ
ਜੇ ਆਪਾਂ ਵੀ ਇਸ ਪਾਸੇ ਤੁਰਗੇ
ਤਾਂ ਉਹਨਾ ਨੂੰ ਮਿਲਣਗੇ ਸੰਗੀ
ਆ ਮਿੱਤਰਾ ਰਲ ਉੱਦਮ ਕਰੀਏ
ਤਾਂ ਜੋ ਦੁਨਿਆ ਹੋ ਜੇ ਚੰਗੀ

ਪੈਸੇ ਪਿਛੇ ਕਿਓਂ ਪਾਗਲ ਹੋਇਆਂ
ਸਬ ਕੁਝ ਹੀ ਨਹੀ ਪੈਸਾ
ਕੰਮ ਆਪਣੇ ਦੀ ਲੈਨਾ ਮਜੂਰੀ
ਤੇਰਾ ਫਿਰ ਵਰਤਾਓ ਕਿਓਂ ਐਸਾ
ਕਿਸੇ ਦੀ ਹਕ਼ ਸਚ ਦੀ ਕਮਾਈ
ਹੜਪ ਲੈਣੀ ਕਦੇ ਨੀ ਚੰਗੀ
ਆ ਮਿੱਤਰਾ ਰਲ ਉੱਦਮ ਕਰੀਏ
ਤਾਂ ਜੋ ਦੁਨਿਆ ਹੋ ਜੇ ਚੰਗੀ

ਰਿਸ਼ਵਤ ਖੋਰੀ ਚੋਰ ਬਾਜ਼ਾਰੀ
ਲਹੂ ਸਾਡੇ ਵਿਚ ਰਚ ਗਈ
ਜਿਹੜੀ ਇਕ ਜ਼ਮੀਰ ਸੀ ਹੁੰਦੀ
ਰੂਹ ਸਾਡੀ ਚੋਂ ਨਸ ਗਈ
ਬਿਨ ਪੈਸੇ ਕੋਈ ਕੰਮ ਨੀ ਹੁੰਦਾ
ਸਾਡੀ ਕਿਸਮਤ ਮੰਦੀ
ਆ ਮਿੱਤਰਾ ਰਲ ਉੱਦਮ ਕਰੀਏ
ਤਾਂ ਜੋ ਦੁਨਿਆ ਹੋ ਜੇ ਚੰਗੀ

ਆਓ ਰਲ ਮਿਲ ਕਸਮਾ ਖਾਇਏ
ਕੋਈ ਐਸ ਕੰਮ ਨੀ ਕਰਨਾ
ਜਿਸ ਨੂੰ ਕਰਨ ਦੇ ਮਗਰੋਂ
ਸਾਡੀ ਰੂਹ ਨੂੰ ਪੈਜੇ ਮਰਨਾ
ਅਸਲੀ ਰੰਗ ਚ ਹੀ ਰੰਗ ਜਾਈਏ
ਕੀ ਕਰਨੀ ਇਹ ਬਹੁਰੰਗੀ
ਆ ਮਿੱਤਰਾ ਰਲ ਉੱਦਮ ਕਰੀਏ
ਤਾਂ ਜੋ ਦੁਨਿਆ ਹੋ ਜੇ ਚੰਗੀ