ਮੈਂ ਧਰਮੀ ਹਾਂ

ਮੈਂ ਧਰਮੀ ਹਾਂ
ਕਰਦਾੰ ਹਾਂ ਸੇਵਾ
ਧਰਮ ਦੀ
ਹਰ ਪਲ ਹਰ ਸਮੇਂ
ਜੋੜਕੇ ਲੋਕਾਂ ਨੂੰ
ਧਰਮ ਨਾਲ
ਕਿਸੇ ਨੂੰ ਵਰਗਲਾ ਕੇ
ਕਿਸੇ ਨੂੰ ਡਰਾਕੇ
ਤੇ ਕਿਸੇ ਨੂੰ
ਸਬਜ਼ਬਾਗ ਦਿਖਾਕੇ

ਫਿਰ ਕਰਦੇ ਨੇ
ਮੇਰੇ ਧਰਮ ਦੇ
ਠੇਕੇਦਾਰ
ਇਹਨਾ ਧਰਮੀਆੰ ਦਾ
ਸ਼ੋਸ਼ਣ
ਖੇਡਦੇ ਨੇ ਇਹਨਾਂ ਦੀਆੰ
ਭਾਵਨਾਵਾਂ ਨਾਲ
ਲੁੱਟਦੇ ਨੇ
ਕੁੱਟਦੇ ਨੇ
ਕਰਦੇ ਨੇ ਇਹਨਾਂ ਨੂੰ
ਤਿਆਰ
ਧਰਮ ਦੀ ਖ਼ਾਤਰ
ਮਰਨ ਲਈ

ਇਹ ਤਿਆਰ ਹੋਏ ਮੋਹਰੇ
ਜਾਂਦੇ ਨੇ ਹੱਸਦੇ ਖੇਡਦੇ
ਲੋਕਾਂ ਚ
ਫਲਾਉੰਦੇ ਨੇ ਦਹਿਸ਼ਤ
ਬੰਬਾਂ ਨਾਲ ਗੋਲ਼ੀਆਂ ਨਾਲ
ਤਲਵਾਰਾਂ ਨੇਜ਼ਿਆਂ ਤੇ
ਤ੍ਰਿਸੂਲਾਂ ਨਾਲ
ਮਰਦੇ ਨੇ ਤੇ
ਮਾਰਦੇ ਨੇ ਸੈਂਕੜੇ
ਮਸੂਮ ਲੋਕਾਂ ਨੂੰ
ਇਹ ਸੋਚ ਕੇ
ਕਿ
ਉਤਾਰਨਾ ਹੈ
ਉਹਨਾ ਨੇ
ਧਰਮ ਦਾ ਰਿਣ
ਤੇ ਕਰਨੀ ਹੈ
ਪ੍ਰਾਪਤ ਜੰਨਤ
ਯਾ ਚੜ੍ਹਨਾ ਹੈ
ਕੈਲਾਸ਼ ਪਰਬਤ ਤੇ
ਯਾ ਸੱਚ-ਖੰਡ ਦੀਆ
ਪੌੜੀਆਂ

ਮੈਂ ਹੀ ਤਾ ਹਾਂ
ਜੋ ਦੱਸਦਾ ਹੈ
ਇਹਨਾਂ ਨੂੰ
ਇਹਨਾ ਦੀ
ਮੰਜ਼ਲ ਦਾ ਰਾਸਤਾ
ਇਸੇ ਲਈ ਤਾਂ
ਮੈਂ ਧਰਮੀ ਹਾਂ
ਤੇ ਕਰਦਾ ਹਾਂ
ਸੇਵਾ
ਰੱਬ ਦੀ
ਲੋਕਾਈ ਦੀ
ਧਰਮ ਦੀ

ਹਰ ਜੀ ੧੭/੧੧/੨੦੧੫