ਸੂਰਜ ਤੇ ਸਾਗਰ

ਚੜ੍ਹਦਾ ਸੂਰਜ
ਚੰਗਾ ਲੱਗਦਾ
ਛਿੱਪਦਾ ਲੱਗੇ ਸੋਹਣਾ
ਪਰ ਦੋਹਾੰ ਵੇਲੇ
ਦੇਖਣ ਦੇ ਲਈ
ਦ੍ਰਿਸ਼ ਬਣੇ ਮਨਮੋਹਣਾ

ਜਦ ਸੂਰਜ ਚੜ੍ਹਦਾ
ਤਾ ਕੰਢੇ ਵੱਲ ਨੂੰ
ਸਾਗਰ ਭੱਜਿਆ ਜਾਵੇ
ਲਗਦਾ ਜਿਵੇਂ
ਖਿਲਾਰਕੇ ਬਾਹਾਂ
ਮਸ਼ੂਕਾਂ ਕੋਈ
ਅਪਣੇ ਆਸ਼ਕ
ਤਾਈੰ ਬੁਲਾਵੇ

ਸ਼ਾਮ ਨੂੰ ਜਦ
ਸੂਰਜ ਹੈ ਛਿੱਪਦਾ
ਸਾਗਰ ਵੀ
ਪਿੱਛੇ ਹੱਟ ਜਾਵੇ
ਲੱਗਦਾ ਜਿਵੇਂ
ਮਸ਼ੂਕਾ ਲੈ ਲਊ
ਆਸ਼ਕ ਨੂੰ
ਵਿੱਚ ਕਲਾਵੇ

ਸਾਗਰ ਵਿੱਚ ਵੀ
ਚਮਕਣ ਲੱਗਦੀ
ਆਈ ਸੂਰਜ
ਚਿਹਰੇ ਜੋ ਲਾਲੀ
ਇਸ ਿਮਲਣੀ ਤੋਂ
ਬਾਅਦ ਛੇਤੀ ਹੀ
ਆ ਜਾਂਦੀ ਇੱਥੇ
ਉਹ ਰਾਤ
ਹਨੇਰੇ ਵਾਲੀ

ਹਰ ਜੀ ੧੪/੧੨/੨੦੧੫