ਸਾਗਰ ਕਿਨਾਰੇ

ਸਾਗਰ ਕਿਨਾਰੇ
ਬੈਠ ਕੇ ਦੇਖਾਂ
ਬਣ ਬਣ ਲਹਿਰਾਂ
ਭੱਜਦਾ ਪਾਣੀ
ਵੱਲ ਸੁੱਕੀ ਂਧਰਤ
ਵਾਰ ਵਾਰ ਉਹ
ਕਰਦਾ ਕੋਸ਼ਿਸ਼
ਨਵੀਂ ਧਰਤ ਨੂੰ
ਫੜਨ ਦੀ
ਕਦੇ ਇੰਚ ਇੰਚ
ਕਦੇ ਫੁੱਟ ਫੁੱਟ
ਵਧਦਾ ਰਹਿੰਦਾ
ਅੱਗੇ ਹੀ ਅੱਗੇ
ਅਚਨਚੇਤ ਫਿਰ
ਬਦਲ ਜਾਂਦਾ ਕੁਝ
ਮੁੜ ਪੈੰਦਾ ਉਹ
ਵਾਪਿਸ ਘਰ ਨੂੰ
ਕਦੇ ਇੰਚ ਇੰਚ
ਕਦੇ ਫੁੱਟ ਫੁੱਟ
ਹੌਲੀ ਹੌਲੀ
ਹੱਟ ਜਾਂਦਾ ਪਿੱਛੇ
ਦੇਖਦਾ ਹਾਂ ਮੈਂ
ਰੋਜ ਹੀ ਉਸ ਦੀ
ਇਹ ਕਿਰਿਆ ਤੇ
ਸੋਚਦਾ ਹਾਂ
ਕੀ ਪਾਉਣਾ ਚਾਹੁੰਦਾ ਹੈ ਇਹ
ਕੀ ਮਨੋਰਥ ਹੈ ਂਇਸ ਦਾ
ਕਿਤੇ ਅੱਜ ਦੇ ਮਨੁੱਖ ਵਾਂਗ
ਇਹ ਵੀ ਭਟਕਣਾ ਦਾ
ਸ਼ਿਕਾਰ ਤਾਂ ਨਹੀਂ ?

ਹਰ ਜੀ ੧੦/੧੨/੨੦੧੫