ਹਾਇਕੂ ਕਨੇਡਾ

ਬਰਫ ਧਰਤੀ ਤੇ
ਧੁੰਧ ਅਸਮਾਨੀ
ਸੜਕ ਤੇ ਮੈਂ

ਬਰਫੀਲੀ ਧਰਤੀ
ਧੁਪ ਭਰੀ ਸਵੇਰ
ਚੂੰਧਿਆਈਆਂ ਅੱਖਾਂ

ਤੀਜੇ ਪਹਿਰ ਦਾ ਅੰਤ
ਚੰਦ ਅਸਮਾਨੀ
ਬਰਫੀਲੀ ਧਰਤ ਚਮਕੇ

-34 ਡਿਗਰੀ
ਧੁਪੇ ਚਮਕਦੀ ਬਰਫ਼
ਗਰਮੀ ਦਾ ਭੁਲੇਖਾ

ਬਰ੍ਫ਼ੀਲਾ ਤੂਫਾਨ
ਕੰਡਿਆਲੀ ਤਾਰ ਮੋੜਿਆ
ਛੱਪਰ ਵੱਲ

ਬਰਫ਼ ਦੇ ਫੰਭੇ
ਯਾਦ ਆਏ
ਕੰਡਿਆਲੀ ਦੇ ਫੁੱਲ

ਬਰਫ਼ ਦਾ ਫੰਭਾ
ਗੰਜ ਤੋ ਤਿਲ੍ਕਿਆ
ਨੱਕ ਤੇ ਆ ਬੈਠਾ

ਬਰ੍ਫ਼ੀਲਾ ਮੈਦਾਨ
ਪੱਤਿਆਂ ਬਾਝੋਂ ਰੁਖ
ਅਡੋਲ ਖੜਾ

ਚਾਨਣੀ ਰਾਤ
ਬਰਫ਼ ਦੀਆਂ ਫੁਲਝੜੀਆਂ
ਜੰਨਤ ਦਾ ਭੁਲੇਖਾ

ਟੋਰਾਂਟੋ ਦੀਆਂ ਸੜਕਾਂ
ਡਿੱਗਣ ਬਰਫ਼ ਦੇ ਫੰਭੇ
ਘੁੰਮਣ ਕੰਗਾਰੂ ਦੇਸ ਦੇ ਵਾਸੀ

ਨਵੇਂ ਸਾਲ ਦੀ ਪਹਿਲੀ ਸ਼ਾਮ
ਅੰਦਰ ਯਾਰਾਂ ਦੀ ਮਹਿਫਿਲ
ਬਾਹਿਰ ਬਰਫ਼ ਦਾ ਤੂਫਾਨ